Bidaide

Konpainia: Metrokoadroka sormen laborategia

Nor ote dago erraldoien gonen azpian? Nola ikusten da mundua erraldoien barrutik?

Herrietako erraldoien iruditeriatik modu poetikoan abiatuta, handia eta txikia izatearen arteko aldeaz, herrietako kulturgileen ikusezintasun hautazkoaz edo ez hautazkoaz, kultura bizitzeko moduez mintzo da Bidaide antzezlana.

Bidaide antzezlana modu bisual, poetiko eta umoretsuan aldiro modu ezberdinean gauzatuko den teatro-ekintza bat da. Herrietako kulturgileen jarduna gogoan, agian ekintza bera delako, orain eta hemen egin-egiteko behar hori, etorkizunak amesteko aukera ematen digun bultzadarik garrantzitsuena.

Fitxa

• Aktoreak: Maite Aizpurua, Ainhoa Alberdi, Idoia Beratarbide, Iraia Elias, Idoia Hernandez “Hatxe”
• Zuzendaritza: Idoia Beratarbide, Iraia Elias.
• Idazketa: Maite Aizpurua, Oier Guillan, aktore taldea
• Soinu-espazioa: Idoia Hernandez “Hatxe”
• Argi-diseinua: Miriam Ubanet, Ana Da Graça
• Ekoizpena: Josu Zubia
• Iraupena: 70 minutu