Mendia Jasangarritasuna Tokiko Garapena 2018-05-15

Larreen Eguna, ekainak 16, lehen sektoreak paisaian egiten duen ekarpena ezagutarazteko.

Larren Eguna, ekainaren 16an ospatuko da. Eguna modu didaktikoan planteatuta dago baserri eta hazienda mundua ezagutu eta elkarrekin bazkaltzeko aukera egonen delarik. Baserritarrek Leitzan eta Areson egiten duten ekarpen sozial eta kulturala balorean jartzeaz gain, paisaia eta lurraldearen mantentzean egiten duten lana ezagutarazteko eta aitortzeko egun bat izango da.


Tokiko Garapena 2018-05-25

Plazaolako hesiak konpondu eta hiru mendi ibilbide berri sortuko ditu Udalak.

Plazaola Natur Bidean egur hesien konponketa eta aldaketan lanak egin ahal izateko diru-laguntza lortu du Leitzako Udalak. Guztira 50.000€ko diru-laguntza jasoko du Europako FEDER programatik. Horrez gain, Leitzako Udalaren asmoa  mendiko hiru ibilbide erregistratu eta seinaleztatzea da. Osotara, 70.000€ko inbertsioa eginen du Udalak aurten turismo arloan. Lanak, uda ondoren hasiko direla aurreikusten da.


Tokiko Garapena Kultura eta Kirola 2018-04-18

Herri aretoa eginen da!

Sinatu da Leitzako Udala eta Nafarroako Gobernuko Kultura Sailaren arteko hitzarmena zine zaharrean moldaketa lanak egin eta Herri Aretoaren proiektua aurrera eramateko. 2018an, 300.000€-ko laguntza jasoko du Udalak. Honenbestez, moldaketa lanak aurtengo udan hasiko dira. Era berean, datorren urtean ere finantziazio bidea zabalik izatea da Leitzako Udalaren helburua.



Denera 6 orrialde