Egunotan Leitzan COVID-19aren agerraldi bat gertatu dela zabaldu da herrian. Horren aurrean, Leitzako Udalak argibide eta ohar batzuk helarazi nahi izan dizkie herritarrei, hemen atxikita dituzuen irudietakoak hain zuzen ere, dagoeneko sare sozialen bidez herritarrei iritsiko zitzaizkiela esperoz.
Irudietan jasota daude Leitzan ditugun autobus ordutegiak orokorrean eta Covid-19 garaian. Gobernuak zerbitzu hauek ugaritu ditzan Leitzako Udalak lanean dihardu aspaldian; baita egungo osasun krisi egoerako zerbitzu murriztuagatik kexa formala aurkeztu ere.
Leitzako Udalak Nafar Gobernuaren Foru Aginduaren laburpena eta ohar batzuek zabaldu ditu bere sare sozialen bidez.
Itzaire Haur Eskolan matrikulak egiteko epea uztailaren 17tik 24ra luzatuko da. Hitzordua eskatzea ezinbesteko izanen da bertaratu eta tramitea burutzeko.
Aurreko aste osoan zehar, Basakabitik Aizango antenara doan bidea moldatu dute hainbat herritarrek auzolanean, Udalak baliabidez lagunduta. Nafar Gobernuari azken hamarkadan behin eta berriz eskatu zaion mantenu lana, azkenean leitzarren eskutik iritsi behar izan da.
Aste gutxitan, komertzio eta PROIEKTU profesional berriak martxan jarriko dira, itxi ziren zenbait taberna eta jatetxek erreleboa izanen dute, landetxe gehiago ireki dira, larunbatetako baserritarren azoka berria martxa onean doa…
