{"id":11416,"date":"2022-08-11T16:47:20","date_gmt":"2022-08-11T14:47:20","guid":{"rendered":"https:\/\/www.leitza.eus\/?p=11416"},"modified":"2022-08-11T17:01:01","modified_gmt":"2022-08-11T15:01:01","slug":"leitzako-pestak-2022-hasi-dira-dagoeneko","status":"publish","type":"post","link":"https:\/\/www.leitza.eus\/eu\/2022\/08\/11\/leitzako-pestak-2022-hasi-dira-dagoeneko\/","title":{"rendered":"Leitzako Pestak 2022 hasi dira dagoeneko!"},"content":{"rendered":"
Abuztuaren 10etik 15era pesta nagusituko da gure herrian. Herritar zein bisitarientzat ez da egonen aspertzeko tarterik; horregatik, hemen duzue ikusgai aurtengo Plazaola Aldizkaria, EGITARAU osoarekin.<\/strong><\/h5>\n
\"\"<\/a>

(Egin klik irudi honetan, aldizkari osoa ikusteko)<\/p><\/div>\n

 <\/p>\n

PROGRAMAREN PRESTAKETA<\/b><\/p>\n

Nahi eta espero baino denbora gehiago pasatu da azken pesta programatik. Tartean, elkarrengandik urruntzera eraman gaituen ezusteko pandemia, bi urte eta hamaika gertakari igaro dira; baina azkenean, iritsi da <\/span>Leitzako Pestak<\/b> prestatu eta benetan eginen direla iragartzeko tartea!<\/b> Egunerokotasunean izaten ditugun kezka eta zamak alde batera utzi, eta lagunartean zein familiarekin egun polit eta alaiak igarotzeko parada ezin hobea izanen dugu berriz ere.<\/span><\/p>\n

Aurtengo pesten prestaketetan, urtero bezala, herritarren parte hartzeari eman zaio garrantzia.\u00a0 <\/span>Pesta Batzordeko kideak<\/b> izan dira aurten ere hilabeteetan ederki landutako programa oparoa eskaini dutenak.\u00a0\u00a0<\/span><\/p>\n

Parte\u2010hartzea\u00a0 eta\u00a0 auzolana<\/b>\u00a0 ikur\u00a0 hartuta,\u00a0 aurten\u00a0 ere programaren\u00a0 prestaketan\u00a0 batzordetik\u00a0 kanpoko\u00a0 herritarren\u00a0 ekarpenak\u00a0 jaso\u00a0 dira.\u00a0 Gure\u00a0 herriko\u00a0 Pestak\u00a0 <\/span>herrikoiak\u00a0 eta\u00a0 aberatsak<\/b>\u00a0 izateko\u00a0 bermea\u00a0 izanen\u00a0 dugu \u00a0 etorkizunean ere. Zoriontzekoa beraz hauen lana! <\/span><\/p>\n

PLAZAOLA ALDIZKARIKO AZALAREN LEHIAKETA<\/strong><\/p>\n

Plazaola aldizkariko 42. zenbakiaren azalaren lehiaketan<\/b>, 4 proposamen jaso dira eta irabazlea <\/span>\u201cOin puntetan arin\u201d<\/span><\/i> izeneko lana\u00a0 izan da. Honen egilea Amaia Iparragirre Baleztena izan da.\u00a0\u00a0\u00a0<\/span><\/p>\n

Umeen kategorian berriz, lau lan aurkeztu dituzte 16 urtez azpikoek eta saria eraman duen proposamena Liher Fernandez Zubeldiarena\u00a0 izan da, <\/span>“Buruhaundiak prest”<\/span><\/i> izenburupean.<\/span><\/p>\n

\"\"TXUPINAZOA NORK BOTA, HERRITARREN ERABAKIA<\/strong><\/p>\n

Beste alde batetik, <\/span>txupinazoa nork bota<\/b> herritarren esku<\/b> utzi da urtero legez. Aurten bi proposamen jarri ziren mahai gainean: Leitzako Pesta Batzordea bera eta Euskal Herria Mendi Erronka (EHME), biek ala biek herritarren ordezkaritza oso zabala duten eragileak.<\/span><\/p>\n

\"\"Uztailaren 15etik 17rako asteburuan izan <\/span>bozkatzeko aukera<\/b>: <\/span>paperean<\/b>, zuzenean, ostiral goizeko azoka garaian eta ilunabarreko pintxo-pote tartean plazan bozkatu ahal izan zen; <\/span>internet bidez<\/b>, aldiz, larunbat eta igande osoan zehar egon zen aurtengo txupineroa aukeratzeko galdetegia eskuragarri.<\/span><\/p>\n

337 herritarrek parte hartu zuen bozketan, herriko biztanle guztien % 10ak baino gehiagok, eta hauen nahia aintzat harturik, <\/span>Pesta Batzordeak <\/b>\u00a0txupinazoa\u00a0 bota\u00a0 eta\u00a0 <\/span>Leitzeko\u00a0 Santiburtzio Pestak abiatzeko ohorea<\/b> izanen du. EHMEko kideak ere, udaletxeko balkoira gonbidatuak izan dira noski, pestei hasiera denek elkarrekin emateko.<\/span><\/p>\n

Txupinazoaren une kuttun honen inguruko aipamenekin amaitzeko, esan eskualdeko hainbat udaletatik eta herriko eragile bakoitzetik ordezkaritza bat ere<\/strong> igo ohi dela udaletxeko Batzar Areto jendetsura, pesta lagunarteko giroan abiaraziz.<\/span><\/p>\n

GAZTE EGUNA, 13A<\/strong><\/p>\n

Lanketa guztiak bere osotasunean aitorpena merezi badu ere, aurten ere <\/span>Gazte Eguna<\/b> antolatzeko egin den ahalegina nabarmentzekoa da. <\/span>Abuztuaren 13an, larunbatean<\/b>, egingo den egun berezi honen programa herriko gazteen iritziak jasoz osatu nahi izan da, Gazte Asanbladatik hasita. Parte hartu nahi izan duten guztien artean, egitarau dotorea osatu dute.\u00a0<\/span><\/p>\n

ERASO SEXISTEN AURKAKO PROTOKOLOA<\/strong><\/p>\n

Azken urteotan, <\/span>Festetako Erasoen Aurkako Mahaia<\/b> (Berdintasun Zinegotzia, Berdintasun Teknikaria, Pesta Batzordea,\u00a0 Txozna Batzordea, Kaxkabeltza Elkartea, Sastrakak eta, pandemian eratutako La\u00f1aidek talde feministak osaturiko eragilea), eraso sexista, arrazista, homofobo eta xenofoborik\u00a0 gabeko herri bat eraikitzearen aldeko lanketan jardun da.\u00a0<\/span><\/p>\n

Ondorioz,\u00a0 <\/span>eraso\u00a0 sexistei\u00a0 aurre\u00a0 egiteko\u00a0 protokoloa<\/b>\u00a0 berrikusi\u00a0 eta\u00a0 egokitzeko\u00a0 konpromisoari\u00a0 heldu\u00a0 diogu.\u00a0 Guztiok\u00a0 norabide berean, koordinatuta, urratsak zehaztuta, erantzun azkar eta bateratuak emateko asmoz, buru\u2010belarri aritu\u00a0 gara lanean.<\/span><\/p>\n

Aurten, <\/span>Puntu Morea<\/b> egonen da plazan, lehen aldiz. Udalak honela, abuztuaren 10 eta 12an, 20:00etatik 01:00etara, erasoen aurrean zuzeneko asistentzia, sexu harreman seguruetarako materiala eta protokoloaren inguruko informazioa eskaini nahi ditu.\u00a0<\/span><\/p>\n

Horrez gain, prebentzioak\u00a0 eta\u00a0 sentsibilizazioak\u00a0 duten garrantziaz jakitun, <\/span>tabernariekin<\/b> hainbat bilera eta formakuntza egin dira eta <\/span>material<\/b>\u00a0 ezberdina\u00a0 sortu eta\u00a0 banatu\u00a0 da herrian barrena (informazio\u00a0 orriak,\u00a0 kartelak…),\u00a0 intentsitate\u00a0 ezberdineko\u00a0 erasoak\u00a0 identifikatzeko\u00a0 eta\u00a0 horiei\u00a0 modurik\u00a0 eraginkorrenean aurre egiteko norabidean.<\/span><\/p>\n

Aurtengo gure helburuetako bat, sotilagoak diren eta ondorioz, <\/span>eraso bezala identifikatzeko zailagoak diren erasoak agerian uztea da<\/b> (begiradak, ezerosotasuna sor dezaketen bestelako portaerak, irainak, iruzkin iraingarriak, ukipen ez onartuak…).<\/span><\/p>\n

Horretarako behean ageri den Whatsapp zenbakia jarriko da eskuragarri. Pesten ondoren, zerbitzu honetan jasotako datuekin irakurketa bat egin eta erantzun sozial orokorra emango da. Jakinarazpenak jasotzerakoan eta erantzun soziala ematerakoan, anonimotasuna bermatuko da.<\/span><\/p>\n

Beraz, herritarrak zerbitzu hau erabiltzera eta <\/span>Pestak denok askatasunez bizitzearen aldeko konpromisoa hartzera<\/b> deitzen ditugu.<\/span><\/p>\n