Berdintasuna eta Gizarte Politikak 2018-08-03

Pestak gertu direla eta eraso sexiten aurkako protokoloa martxan da jada

Orain dela hilabete batzuk, eskualdeko Berdintasun Batzordetik errespetuzko harremanen aldeko kanpaina jarri genuen abian Leitzan, Goizuetan, Areson eta Aranon. Leitzako pestetan harreman sanoak bultzatzean segitzearen aldeko aldarria zabaltzea oinarrizkoa da. Indarkeriarik gabeko guneak, espazioak eta ekitaldiak garatzen eta sortzen jarduteak emakume eta gizonen arteko ezberdintasunak gutxitzearen bidean pausu garrantzitsu bat suposatuko luke. Leitza parekide, berdinzale, segurua eta justua eraikitzen jarraitzea ezinbestekoa da. Jaietarako eraso sexisten aurkako protokoloa martxan jarriko du Udalak eta Berdintasun Batzordeak. Aurtengo gure helburuetako bat, askotan salatzen ez diren edota lagunarteko elkarrizketetan geratzen diren erasoen inguruko bilketa bat egitea izango da.



Berdintasuna eta Gizarte Politikak 2018-05-22

Jubiloteka zerbitzua jarriko da martxan Leitzan. Izen ematea ireki da dagoeneko.

Dagoeneko izen ematea ireki da Jubilotekan. Gizarte Zerbitzuen bidez eta Fundación Caja Navarrak diruz lagundutako ekimen berria da hau. Helburu nagusia da adinekoen bizi aktiboa bultzatzea eta ongizatea handitzea. Horiek horrela, jubilotekako txokoan burutuko diren ekintzak osasuna lantzera bideratuta egonen dira: luzaketak, koordinazio eta oreka ariketak, komunikazioa eta memoria lantzekoak... Ekainean hasi eta uztailera arte iraungo du lehen txokoak, baina asmoa da opor ondoren urte amaierara arte luzatzea. 3 orduko saioak izanen dira, ostegunetan, 10:00etatik 13:00etara, Udaletxean. Izena emateko Gizarte Zerbitzuetara deitu behar da 948510840.




Denera 5 orrialde