Euskara eta Hezkuntza 2018-04-16

Errenta aitorpena ere, euskaraz egin.

Errenta aitorpena egiteko epea ekainaren 22ra artekoa da eta modu askotan egin dezakezu (autolikidazio proposamena berretsiz, era mekanizatuan, gestoria baten bidez, Ogasuneko bulegora joanda, finantza erakunde batean…). Edozein modutan egiten duzula ere, euskaraz egin dezakezu, udalerri euskaldunetan euskaraz garela erakutsiz. Aurten ere errenta aitorpena euskaraz egitera gonbidatu nahi zaitugu.


Euskara eta Hezkuntza 2018-04-10

Udalerri euskaldunetako gazteentzako udalekuak antolatu ditu aurten UEMAk, lehen aldiz

Udalerri euskaldunetako gazteak euskararen inguruan sentsibilizatzeko, kontzientziatzeko eta eragile aktibo bihurtzeko, udalerri euskaldunetako gazteen udalekuak antolatu ditu aurten lehen aldiz UEMAk, Eusko Jaurlaritzaren Hizkuntza Politikarako Sailburuordetzaren laguntzarekin.

Uztailaren 10etik 17ra izango da egonaldia, Zestoako Sastarrain aterpetxean. 50 lagunentzako izango da lekua, eta izena emateko epea astelehenean zabalduko da, martxoaren 19ean.




Denera 4 orrialde