Berdintasuna eta Gizarte Politikak 2018-11-15

Ez dira zenbaki hutsak. Gure bizitzak dira!

Urtero Leitzaldeko Berdintasun Batzordeak azaroaren 25aren inguruan, Emakumeenganako Indarkeriaren aurkako Nazioarteko Eguna, sentsibilizazio kanpaina bat egiten du eta herrietan hainbat ekimen antolatu. Aurtengo leloa EZ DIRA ZENBAKI HUTSAK. GURE BIZITZAK DIRA! izanen da. Leitzan, azaroaren 23an elkarretaratzea eginen da 12:00etan plazan.


Tokiko Garapena 2018-10-31

Leitzako eta Aresoko produktuen IV. Azoka egingo da azaroaren 11an. Berrikuntzekin dator gainera.

Leitzako Udalak eta LeitzEKO Kontsumo taldeak elkarlanean, bertako produktuen IV. azoka antolatu dugu azaroaren 11rako. Gure ekoizleen eta bereziki gure baserritarren jakinduria eta ezagutza zabaltzeko erakusleihoa izan nahi du Azokak. Bai parte-hartzaileen aldetik eta baita ere herritarren aldetik jaso zuen erantzunagatik, ekimen arrakastatsua geratu da. Aurten gainera, bi berrikuntza egonen dira feriaren bueltan. Bertako produktuen pintxopotea ostiralean eta Azoka Menua igandean.



Berdintasuna eta Gizarte Politikak 2018-10-24

“Ni zainduz, zu zainduz, gu zainduta”

Leitza, Goizueta, Areso eta Aranoko Gizarte Zerbitzuen Mankomunitateko Berdintasun batzordeak zaintza-lanen balioari buruz kontzientziatzeko kanpaina jarri du abian. Kontuan hartu behar da lan horiexek direla bizitzari sostengua ematen eta etxeetako eguneroko funtzionamendua ahalbideratzen dutenak.


Berdintasuna eta Gizarte Politikak 2018-10-11

Emakume baserritarren topaketa, urriaren 15ean, Landa Eremuko Emakumeen Nazioarteko Eguna dela eta.

Datorren urriaren 15ean, landa eremuko emakumeen nazioarteko eguna izanen da. Data hori aprobetxatuz, emakume baserritarren topaketa antolatuko du Leitzaldeko Berdintasun Batzordeak. Topaketak arratsaldeko 16:00etatik 18:00etara izanen dira Leitzako Udaletxean. Helburuetako bat, topaketa honetan, emakume baserritarraren ahalduntze prozesu bati ekitea litzateke. Topaketak Marian Cestau talde bideratzaileak gidatuko du.


Denera 29 orrialde